ጽንፈኛ እና አሸባሪ ኀይሎች ባሰማሯቸው አሸባሪዎች በሰሜን ሸዋ በተለይም በአጣዬ፣በካራቆሬ፣ በሸዋሮቢት፣ማጀቴ፣አላላ፣አንጾኪያ እና አካባቢዎች በአማራ ተወላጆች ላይ እየተፈፀመ ያለውን የዘር ማጥፋት ተግባር የአማራ ምሁራን መማክርት ጉባኤ በጽኑ አወገዘ።

0
248
ጽንፈኛ እና አሸባሪ ኀይሎች ባሰማሯቸው አሸባሪዎች በሰሜን ሸዋ በተለይም በአጣዬ፣በካራቆሬ፣ በሸዋሮቢት፣ማጀቴ፣አላላ፣አንጾኪያ እና አካባቢዎች በአማራ ተወላጆች ላይ እየተፈፀመ ያለውን የዘር ማጥፋት ተግባር የአማራ ምሁራን መማክርት ጉባኤ በጽኑ አወገዘ።
ባሕር ዳር፡ ሚያዝያ 10/2013 ዓ.ም (አሚኮ) የአማራ ምሁራን መማክርት ጉባኤ እንዳለው በዘር ማጥፋት ተግባሩ በሕይወት እና በንብረት ላይ በደረሰው ጉዳት እጅጉን አዝኗል፡፡ የአማራ ክልልም ሆነ የፌዴራል መንግሥት በዚህ ተግባር በቀጥታ ተሳታፊ በሆኑ ታጣቂዎች እና በኦሮሞ ብሔረሰብ ዞን አስተዳደር በመሸጉት የሽብርና የማንነት ተኮር ጥቃት አቀናባሪዎች ላይ ተገቢውን እርምጃ እንዲወስዱ መማክርቱ አሳስቧል።
የዜጎች ደኅንነት የማስጠበቅ የቅድሚያ ግዴታ የመንግሥት መሆኑን በማስገንዘብ የክልሉ እና የፌዴራል መንግሥት ይህን ግዴታቸው በአግባቡ ሊወጡ ይገባል ብሏል።
እየተፈጸሙ ያሉ ተከታታይና የተቀናጁ ጥቃቶች አማራን የማጥፋት፣ አማራን የማዋከብና ሠላሙን የመንሳት፣ የክልሉን መንግሥትም በተለያዩ አቅጣጫዎች የመወጠርና የማፍረስ፡ የክልሉን ልዩ ኃይል የማዳከም ሴራዎች አካል መሆናቸውን መማክርቱ አመላክቷል።
የፌደራል መንግሥት እና የሁሉም ክልል መንግሥታት እንዲሁም የሁለቱ ከተማ አስተዳደሮች በአማራ ላይ ተከታታይ እና ያልተቋረጠ የዘር ማጥፋት ተግባሮች እየተፈጸመ መሆኑን እየተመለከቱ ጥቃቶችን በትክክለኛ ስማቸው ከመጥራት ጀምሮ በግልጽ አለማውገዛቸው መማክርቱን እና የአማራ ሕዝብን በእጅጉ ያሳዘናቸው መሆኑን ገልጿል።
ሕዝቡ በየጊዜው በተጠናና በተቀናጀ ሁኔታ እየተፈጸሙ ያሉ ጥቃቶችን በንቃት በመከታተል በተደራጀ ሁኔታ ራሱን እንዲከላከልና ከጸጥታ አካላት ጎን እንዲቆም እንዲሁም ጉዳት የደረሰባቸውን ወገኖች በሚችለው ሁሉ እንዲያግዝ ጥሪ አቅርቧል።
በተደጋጋሚ የሚፈፀሙትን የዘር ማጥፋትና የሽብር ተግባራት በዘላቂነት ለማስቆም የክልሉን ሕገመንግሥት ማሻሻል ጨምሮ ተገቢ የሆኑ ሥርዓታዊ እና መዋቅራዊ ማስተካከያዎችን ማድረግ እንደሚገባ መማክርቱ አሳስቧል።
ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
በዌብሳይት www.amharaweb.com
በቴሌግራም https://bit.ly/2wdQpiZ

LEAVE A REPLY

Please enter your comment!
Please enter your name here