“ድል ያለመስዋእትነት የማይታሰብ ነው” የአማራ ብልጽግና ፓርቲ ጽሕፈት ቤት

0
146

“ድል ያለመስዋእትነት የማይታሰብ ነው” የአማራ ብልጽግና ፓርቲ ጽሕፈት ቤት

ባሕር ዳር፡ ሐምሌ 29/2013 ዓ.ም (አሚኮ)የአማራ ብልጽግና ፓርቲ ጽሕፈት ቤት በማኅበራዊ ትስስር ገጹ በወቅታዊ ጉዳይ ላይ ባወጣው ጽሑፍ እንዳለው ታሪካዊ ከተሞቻችንም ኾነ አጠቃላይ የአማራን ግዛት ከጠላት ወረራ መመከት የሚቻለው በጠንካራ አደረጃጀት፣ በወታደራዊ ዲሲፕሊን እና በትግል ዓላማ ጽናት በመታገል ነው፡፡

ጠላት በየአቅጣጫው የሚነዛቸው የሽብርና ፈጠራ ወሬዎች በትግላችን ላይ ተጽዕኖ እንዲኖራቸው መፍቀድ የለብንም ብሏል፡፡

ፓርቲው በወቅታዊ ጉዳይ ላይ ያወጣው ጽሑፍ ቀጥሎ ቀርቧል።

ታሪካዊ ከተሞቻችንም ኾነ አጠቃላይ የአማራን ግዛት ከጠላት ወረራ መመከት የሚቻለው በጠንካራ አደረጃጀት፣ በወታደራዊ ዲሲፕሊን እና በትግል ዓላማ ጽናት በመታገል ነው፡፡ ጠላት በየአቅጣጫው የሚነዛቸው የሽብርና ፈጠራ ወሬዎች በትግላችን ላይ ተጽዕኖ እንዲኖራቸው መፍቀድ የለብንም፡፡ ጠላት አለኝ ከሚለው የደጀን ኃይሉ እየራቀ በመጣ ቁጥር ከመቼውም ጊዜ በላይ ወደወጥመዱ እየገባ ነው፡፡ ያለምህረት የምንቀጣውም በዚህ አግባብ ነው፡፡ እየሆነ ያለውም ይኼው ነው፡፡ ይሁን እና ምንጫቸው ባልታወቁ የጠላት ወሬዎች ከመደናገር ራሳችን መቆጠብ ይኖርብናል፡፡ ምንግዜም ቢሆን የመረጃ ምንጮቻችን በሙሉ የኀላፊነት ስሜት የሚንቀሳቀሱት የሕዝባችን ሚዲያዎች እና በየደረጃው ያለው አመራር እንጅ ሌላዉ ኀይል ሊሆን አይገባም፡፡

ያለነው የህልውና ትግል ላይ ነው፡፡ በግንባር የሚገኘው የወገን ጦር ፊት ለፊት ጠላትን እየሰበረ ይገኛል፡፡ ወደወጥመዱ እያሳበ ወደመቃብር ማውረዱን ይቀጥላል፡፡ የምሥራቅ አማራ ሰሜን ወሎ ተራሮች የወራሪው ትህነግ መንጋ መቀበሪያ ይሆናሉ፡፡ አርሶ አደራችን ጎተራውን ሊያራቁት፣ ሚስቱን ሊደፍር፣ ልጁን ሊያፍን፣ ወጣቶቹን ሊገድል፣… የመጣውን መንጋ በቆራጥነት ስሜት እየተፋለመው ነው፡፡ በየጫካውና ሰርጡ እየተሳደደ ያለው አሸባሪ ከአማራ መሬት በድን ሬሳው እንጂ ከእነ እስትንፋሱ እንዲወጣ አንፈቅድለትም፡፡ ከውጊያ ግንባሮች ርቃችሁ የምትገኙ ውድ የአማራ ልጆች፣ የክልላችን ሕዝብና መላ ኢትዮጵያዊያን በጠላት ትህነግ የሚነዛውን ሐሰተኛ ወሬ ቦታ ባለመስጠት የሥነ-ልቦና ጦርነቱ በበላይነት መምራት ይኖርብናል፡፡

በእርግጠኝነት የምንናገረው ነገር ጠላት ጨርሶ ወደ መቃብር መውረዱ አይቀሬ ስለመሆኑ ነው፡፡ የሰው ልጅ ቀርቶ እንስሳት እንኳ በጦርነት ሕይወታቸው እንዲያልፍ የማንሻ ቢሆንም ወራሪን መቅጣት ጥንትም የአባቶቻችን ነውና ሞት ምርጫው ለሆነ ጠላት ምህረት የለንም፡፡ በማዕበል የሚዝል ክንድ እንደሌለን የሰሜን ወሎ ተራሮች ዘላለማዊ የታሪክ ምስክር እናደርጋቸዋለን!

ከደጀኑ የሚርቅ ግን ደግሞ ለሞት የተሰለፈ ጠላት ወደ መቃብር መውረዱ ይቀጥላል፡፡ ይህ ድል ያለመስዋእትነት የማይታሰብ ነው፡፡ ቁምነገሩ ትርጉም በሚሰጥ መስዋእትነታችን ታሪካዊ ከተሞቻችን ብቻ ሳይሆን የአማራ ሕዝብ እና የኢትዮጵያ ህልውና መጽናት መቻሉ ነው፡፡ መሰልጠን፣ መደገፍ፣ መዝመት የህልውና ትግላችን የማይገሰሱ መርሆዎች ናቸው፡፡

LEAVE A REPLY

Please enter your comment!
Please enter your name here