የወልድያ ከተማ አስተዳደር ወጣቶች የአካባቢያቸውን ጸጥታ በንቃት እየጠበቁ መሆኑን ገለጹ፡፡

0
106

የወልድያ ከተማ አስተዳደር ወጣቶች የአካባቢያቸውን ጸጥታ በንቃት እየጠበቁ መሆኑን ገለጹ፡፡

ባሕር ዳር፡ ሐምሌ 22/2013 ዓ.ም (አሚኮ) የአሸባሪውን የትህነግ ሴራ ለማክሸፍ የወልድያ ወጣቶች ከከተማው ማኅበረሰብ ጋር የከተማዋን ጸጥታ በንቃት እየጠበቁ መሆኑን ገልጸዋል፡፡ በዚህም እስካሁን ምንም ዓይነት የፀጥታ ችግር አለመኖሩን እና የነዋሪው የዕለት ተዕለት ሰላማዊ እንቅስቃሴ እንደቀጠለ መሆኑ ተገልጿል፡፡

ወጣቶቹ የከተማውን ሰላም ለማስጠበቅና ሰርጎ ገቦችን በመከታተል ለሕግ እያቀረቡ መሆናቸውን ተናግረዋል፡፡ በቀጣይም የአሸባሪው ትህነግ ቡድን የሚነዛውን የሐሰት ፕሮፓጋንዳ ለመመከት ሁለንተናዊ ዝግጅት ማድረጋቸውን ገልጸዋል፡፡

የወልድያ ከተማ አስተዳደር ከንቲባ መሐመድ ያሲን የከተማው ወጣቶችና ማኅበረሰቡ አሸባሪው የትህነግ ቡድን የከፈተውን ጦርነት ለመመከት እስካሁን ያደረጉት ተግባር ታሪክ የማይረሳው ነው ብለዋል፡፡ በቀጣይም የአካባቢውን ሰላም ለማስጠበቅ ብቻ ሳይሆን በከተማዋ ሊቃጣ የሚችል የትኛውንም ዓይነት ጥቃት ለመመከት በሚያስችል ሁኔታ ላይ መሆናቸውን አስታውቀዋል፡፡

የሰሜን ወሎ ዞን ብልጽግና ፓርቲ ጽሕፈት ቤት ኀላፊ ጋሻው አስማሜ ኅብረተሰቡ የአሸባሪው ትህነግ ቡድን በሚነዛው የሐሰት መረጃ ሳይደናገር የአካባቢውን ሰላም እንዲጠብቅ መልእክት አስተላልፈዋል፡፡ ኀላፊው ነዋሪው የጸጥታ አካሉን የመደገፍ ተግባሩን አጠናክሮ እንዲቀጥል ጥሪ አቅርበዋል ሲል የሰሜን ወሎ ዞን የመንግሥት ኮምዩኒኬሽን ጉዳዮች መምሪያ በማኅበራዊ ትስስር ገጹ አስገንዝቧል፡፡

ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2RnNHCq
በዌብሳይት amharaweb.com
በቴሌግራም https://bit.ly/2wdQpiZ
ትዊተር https://bit.ly/37m6a4m
XMA Header Image

LEAVE A REPLY

Please enter your comment!
Please enter your name here