የሽብር ቡድኑ ዳግም የጦርነት ነጋሪት እየጎሰመ በመኾኑ ከመልሶ ግንባታው ጎን ለጎን የጥፋት ቡድኑን ዓላማ ለማክሸፍ በአንድነት መቆም እንደሚገባ የአማራ ክልል መንግስት አሳሰበ፡፡

0
121

ባሕር ዳር፡ ግንቦት 08/2014 ዓ.ም (አሚኮ) በአማራ ክልል አሸባሪው የትግራይ ወራሪ ቡድን ያደረሰውን ሰብዓዊና ቁሳዊ ውድመት በተመለከተ ይፋ የተደረገውን የጥናት ውጤት እና የመልሶ ማቋቋም ተግባራትን በተመለከተ በምክትል ርእሰ መሥተዳድር ማዕረግ የማኅበራዊ ክላስተር አስተባባሪ አቶ ስዩም መኮንን መግለጫ ሰጥተዋል፡፡

አቶ ሰዩም ይፋ የተደረገውን ጥናት አስመልክቶ በሰጡት መግለጫ ጥናቱ ጉዳቱን በተገቢው ሁኔታ የሰነደ መኾኑን ገልጸዋል።

አሸባሪው የትግራይ ወራሪ ቡድን በአማራ ክልል በፈጸመው ወረራ በርካታ ሰብዓዊ እና ቁሳዊ ውድመት ማድረሱን ዩኒቨርስቲዎች፣ የክልሉ መንግሥት እና የማዕከላዊ ስታትስቲክስ ኤጀንሲ ለአምስት ወራት በጥናት ማረጋገጡን አቶ ስዩም በመግለጫቸው አንስተዋል፡፡
ጥናቱ ሳይንሳዊና ተአማኒነት ባለው መልኩ መከናወኑንም ጠቅሰዋል።
አሸባሪው የትግራይ ወራሪ ቡድን በወረራ ይዟቸው የነበሩ ስምንት ዞኖች የሚገኙ 89 ወረዳዎች እና 945 ቀበሌዎች ያደረሰው ሰብዓዊ፣ ሥነ-ልቦናዊ እና ቁሳዊ ውድመት የአማራን ሕዝብ ክብር እና ሁለንተናዊ ዕድገት ወደ ኋላ ለመመለስ አቅዶ እና “ሒሳብ ማወራረድ” በሚል በይፋ አስታውቆ ያደረሰው ጉዳት መኾኑን ጥናቱ በተገቢ መረጃዎች ስለማመላከቱም አብራርተዋል።

ቤተሰቦቻቸውን ላጡ እና መደፈርን ጨምሮ በኢ-ሰብዓዊ ድርጊት ጉዳት ለደረሰባቸው ወገኖች የሥነ-ልቦና ድጋፍ እና የመልሶ ማቋቋም ሥራዎች ተጠናክረው የቀጠሉ መኾኑንም ተናግረዋል።
አሸባሪው የትግራይ ወራሪ ቡድን በወረራ በቆየባቸው የአማራ ክልል አካባቢዎችም ከ828 ሺህ በላይ በሚኾኑ ወገኖች ላይ ቀጥታ ጉዳት ማድረሱን በጉዳዩ ላይ የተካሄደው ጥናት እንዳረጋገጠም አስገንዝበዋል።

ከ288 ቢሊዮን ብር በላይ የሚገመት ቁሳዊ ውድመት ማድረሱም በጥናቱ ይፋ መኾኑን የጠቀሱት አቶ ስዩም ጥናቱ ጉዳቱን ለዓለም አቀፉ ማኅበረሰብ ማስገንዘብ፣ መልሶ የማቋቋም ሥራ በክልሉ አቅም ብቻ የሚቻል ባለመኾኑ የሁሉንም ርብርብ የሚጠይቅ መኾኑንም ያረጋግጣል ብለዋል።

የመልሶ ማቋቋምና ግንባታ ሥራዎች ተጠናክረው እንደቀጠሉ አቶ ስዩም በመግለጫቸው አንስተዋል፡፡።
እየተካሄደ ያለው የመልሶ ማቋቋም ተግባር የበለጠ ተጠናክሮ እንዲቀጥልም ጥሪ አቅርበዋል፡፡
በመልሶ ማቋቋሙ ተግባር አስበልጦ በመገንባት አሸባሪው የትግራይ ወራሪ ቡድን ሕዝብን አንገት ለማስደፋት ያደረገው ጥረት እንዳልተሳካ ማሳየት ግድ ይላል ብለዋል፡፡

የሽብር ቡድኑ ዳግም የጦርነት ነጋሪት እየጎሰመ መኾኑን የጠቀሱት አቶ ስዩም ከመልሶ ግንባታው ጎን ለጎን የጥፋት ቡድኑን ዓላማ ለማክሸፍ በአንድነት መቆም እንደሚገባ አሳስበዋል፡፡

የሕዝብን ሰላም እና አንድነት የሚሸረሽሩ አካላትን በጋራ መመከት አለብን ያሉት አቶ ስዩም መንግሥትም በተቀናጀ መልኩ እየሠራ መኾኑን አስታውቀዋል፡፡

የአማራን ሕዝብ አንድነት፣ ሰላም እና ጸጥታ ለማደፍረስ እንቅስቃሴዎች መኖራቸውን ያነሱት አቶ ስዩም ሕዝቡ እንደ ከዚህ ቀደሙ በአንድነት በመቆም እንዲመክታቸው አስገንዝበዋል፡፡

ዘጋቢ፡-የማነብርሃን ጌታቸው

#ኢትዮጵያን እናልማ፣እንገንባ፣እንዘጋጅ‼
#ሀገርን በዘላቂነት እናልማ‼
#የፈረሰውን አብልጠን እንገንባ ‼
#ለማንኛውም ፈተና እንዘጋጅ‼

ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2RnNHCq
በዌብሳይት amharaweb.com
በቴሌግራም https://bit.ly/2wdQpiZ
ትዊተር https://bit.ly/336LQaS
ቲክቶክ https://bit.ly/32rKF5J

በአሸባሪውና ወራሪው የትግራይ ቡድን በሰቆጣ፣ ቆቦ፣ ወልድያ፣ ላልይበላ፣ ደሴ እና ከሚሴ አካባቢዎች የወደሙና የተዘረፉ የሚዲያ መሳሪያዎችን መልሶ በመገንባት ለሕዝብ አገልግሎት ለመስጠት አሚኮን ይደግፉ።
https://ameco.bankofabyssinia.com/