የህልውና ዘመቻውን በውጤት ለመፈጸም የሚባክን ጊዜ፣ ጉልበት እንዲሁም ገንዘብ መኖር የለበትም ሲሉ የአማራ ክልል መንገድና ትራንስፖርት ቢሮ ምክትል ኀላፊ ቀለሙ ሙሉነህ ተናገሩ፡፡

0
59

የህልውና ዘመቻውን በውጤት ለመፈጸም የሚባክን ጊዜ፣ ጉልበት እንዲሁም ገንዘብ መኖር የለበትም ሲሉ የአማራ ክልል መንገድና ትራንስፖርት ቢሮ ምክትል ኀላፊ ቀለሙ ሙሉነህ ተናገሩ፡፡

ባሕር ዳር፡ ሐምሌ 15/2013 ዓ.ም (አሚኮ) የአማራ ክልል መንገድና ትራንስፖርት ቢሮ ከክልሉ ገጠር መንገድ ኮንትራክሽን ኤጀንሲ ጋር በመተባበር በህልውና ዘመቻ ለሚገኙ የጸጥታ አካላት የሚውል የወር ደመወዛቸውን በመስጠት፣ ደም በመለገስ እና ስንቅ በማዘጋጀት አጋርነታቸውን አሳይተዋል፡፡

በድጋፍ መርኃ ግብሩ ላይ የአማራ ክልል መንገድና ትራንስፖርት ቢሮ ምትል ቢሮ ኀላፊ ቀለሙ ሙሉነህ “ዘመቻ ለህልውናችንን በውጤት ለመፈጸም የሚባክን ጊዜ፣ ጉልበት እንዲሁም ገንዘብ መኖር የለበትም” ብለዋል፡፡

May be an image of 1 person, sitting, footwear and outdoorsMay be an image of 2 people, people sitting and outdoors

ወጣት ውባየሁ አሊ የአማራ ክልል መንገድና ትራንስፖርት ቢሮ ሠራተኛ ናት፡፡ ውባየሁ ለሦስተኛ ጊዜ ደም እየለገሠች ነው፡፡ ወጣት ውባየሁ “ደሜን ለወገኔ በመለገሴ ደስተኛ ነኝ” ብላለች፡፡

ሀገር ሰላም ውላ ሰላም እንድታድር ህይወቱን መስዋእት እያደረገ ላለው አካል ደምን መስጠት ያንስበታል እንጅ አይበዛበትም ብላለች፡፡

ወጣት ውባየሁ ድጋፏን አጠናክራ እንደምትቀጥል ነው የተናገረችው፡፡

ወጣት ደረጀ ነገራ የክልሉ ገጠር መንገድ ኤጀንሲ ሠራተኛ ነው፡፡ ደም ከለገሱ ሠራተኞች አንዱ ነው፡፡
ወጣት ደረጀ ደም ከመለገስ ባሻገር የወር ደመወዙንም ለመስጠት መወሠኑንም ነግሮናል፡፡

ወይዘሮ ቀኑባት መስፍን መንገድና ትራንስፖርት ቢሮ ባለሙያ ናቸው፡፡ ሠራዊቱ ድል አድርጎ እንዲመለስ የበኩላችንን ድጋፍ እያደረግን ነው ብለዋል፡፡ ስንቅ ከማዘጋጀት፣ ደም ከመለገስ ባሻገር የወር ደመወዛቸውን የሠጡት ወይዘሮ ቀኑባት የሚጠበቅባቸውን ሁሉ እንደሚያደርጉ ገልጸዋል፡፡

የአማራ ክልል መንገድና ትራንስፖርት ቢሮ ምክትል ኀላፊ አቶ ቀለሙ ሙሉነህ አሸባሪው ትህነግን ለመመከት ለተሠማራው የጸጥታ ኃይል ድጋፍ እየተደረገ መሆኑን ነግረውናል፡፡May be an image of 3 people

አቶ ቀለሙ እንዳሉት ለዘመተው ሠራዊት ስንቅ እየተዘጋጀ ነው፤ ሠራተኛው በአንድ ድምጽ የወር ደመወዙን ለመስጠት ወስኗል፤ ደሜን ለወገኔ በሚል ደም የመለገስ መርኃግብር እየተከናወነ ነው ብለዋል፡፡ በቀጣይም ሁለንተናዊ ድጋፍ እንደሚያደርጉም አስታውቀዋል፡፡

ዘጋቢ ፡-ትርንጎ ይፍሩ

ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2RnNHCq
በዌብሳይት amharaweb.com
በቴሌግራም https://bit.ly/2wdQpiZ
ትዊተር https://bit.ly/37m6a4m

LEAVE A REPLY

Please enter your comment!
Please enter your name here