አንዳንድ ምዕራባዊያን ሀገራት ኢትዮጵያ የተረጋጋች እንዳትሆን አሸባሪውን ወያኔ በማዳን ሥራ ላይ መጠመዳቸውን አሜሪካዊው የፖለቲካል ኢኮኖሚ ተንታኝ ላውረንስ ፍሪማን ተናገሩ።

0
83
ጥቅምት 17/2015 ዓ.ም (አሚኮ) ከሦስት አስርት ዓመታት በላይ በአፍሪካ የፖለቲካ ጉዳዮች ዙሪያ ጥልቅ ጥናት እና ምርምሮችን አድርገዋል። ሀገራቸው አሜሪካን ጨምሮ አንዳንድ ምዕራባውያን ሀገራት በኢትዮጵያ ላይ የያዙትን ሚዛን የሳተ አካሄድ በዕውቀት እና እውነት ላይ ተመሥርተው ሞግተዋል፤ እየሞገቱም ይገኛሉ – የፖለቲካል ኢኮኖሚ ተንታኝ ተንታኙ ላውረንስ ፍሪማን።
ኢትዮጵያ በምትከተለው ስኬታማ ፖሊሲና ባላት የመልማት እምቅ አቅም የተነሳ ከአንዳንድ ምዕራባውያን ሀገራት እና ድርጅቶች ተደጋጋሚ ጫናዎች እየደረሰባት መሆኑን ገልጸዋል።
አሜሪካዊው የፖለቲካና ኢኮኖሚ ተንታኝ ላውረንስ ፍሪማን ከኢዜአ ጋር በነበራቸው ቆይታ እንዳሉት የተወሰኑ ምዕራባውያን አፍሪካን በቁጥጥራቸው ሥር አድርገው እንደፈለጉ የማዘዝ ፍላጎታቸው ከፍተኛ ነው።
በአህጉሪቱ ጠንካራ መንግሥትና ሀገር እንዳይኖር እየሠሩ ስለመሆኑ ጠቁመው በሰሜን ኢትዮጵያ ያለውን ግጭት በማባባስ ደካማ ሀገር የመፍጠር እቅድ ይዘው እየሠሩ መሆኑን ተናግረዋል።
በቅርቡ መንግሥት የሀገር ሉዓላዊነትን ለማጽናት በትግራይ ክልል ቁልፍ ከተሞችን እየተቆጣጣረ ሲመጣ ምዕራባውያኑ በመንግሥት ኃላፊዎቻቸው፣ በተቋማትና በሚዲያዎቻቸው ጭምር ጫና እያሳደሩ ያሉትም ለዚሁ ነው ይላሉ።
በእነዚሁ አካላት በኢትዮጵያ ላይ እየተደረገ ያለው ጫና ለእነሱ የሚላላክ መንግሥት ለመፍጠር ካላቸው የረጅም ጊዜ እቅድ የሚቀዳ ስለመሆኑም ተንታኙ ገልጸዋል።
የዓለም ጤና ድርጅት ዋና ዳይሬክተር የተጣለባቸውን ዓለም አቀፋዊ ኃላፊነት ወደ ጎን በመተው ለአሸባሪው ወያኔ ድጋፍ ሲያደርጉ አንዳንድ ምዕራባውያን ጉዳዩን በዝምታ የሚያልፉት ከጀርባ ካላቸው ድብቅ ፍላጎት የተነሳ መሆኑን አንስተዋል።
ከዚህም ባለፈ አንዳንድ ምዕራባውያን የሰሜኑን ጦርነት በፍርደ ገምድል ውሳኔያቸው የሽብር ቡድኑ በአማራና አፋር ክልሎች በፈጸመው ወረራ ግፍ የተፈጸመባቸውን ሚሊዮን ዜጎች መዘንጋታቸው አሳዛኝ መሆኑን ተናግረዋል።
አንዳንድ ምዕራባውያን ሀገራት እና ተቋማት እንዲሁም ግለሰቦች መጀመሪያ ለሀገሪቱ አዲስ አሥተዳደር ሲያደርጉት የነበረው ድጋፍ ቢቀጥል ኖሮ አሁን በኢትዮጵያ የተከሰቱት ችግሮች ሁሉ አይፈጠሩም ነበር ብለዋል። በመሆኑም መንግሥት የእነዚሁ አካላትን የረጅም ዓመታት ሴራ በአግባቡ መገንዘብና አንድነትን በማጠናከር የአሸባሪው ወያኔን ጉዳይ በማንኛውም አማራጭ ዘላቂ መፍትሔ ማበጀት አለበት ብለዋል።
ለሀገር ክብር በትግል እናብር‼