በኢትዮጵያ የዲጂታል ፋይናንስ ሥርዓትን ለማዘመን እየተሠራ እንደሚገኝ የኢኖቬሽንና ቴክኖሎጂ ሚኒስቴር አስታወቀ።

0
45
በኢትዮጵያ የዲጂታል ፋይናንስ ሥርዓትን ለማዘመን እየተሠራ እንደሚገኝ የኢኖቬሽንና ቴክኖሎጂ ሚኒስቴር አስታወቀ።
ባሕር ዳር: ግንቦት 11/2013 ዓ.ም (አሚኮ) የኢኖቬሽንና ቴክኖሎጂ ሚኒስቴር ከ አይ ሲቲ ኢቲ ጋር በመተባበር ያዘጋጁት ዲጂታል ፋይናንስ ላይ ያተኮረ የበይነ መረብ ውይይት ተካሂዷል።
በውይይቱን የኢኖቬሽንና ቴክኖሎጂ ሚኒስትር ዴኤታ አሕመዲን መሐመድ (ዶ.ር) የዲጂታል ኢኮኖሚን ለመገንባት ቁልፍ የሆነውን የዲጂታል ፋይናንስ ሥርዓት ማዘመን ላይ የተለያዩ ተግባራት እየተከናወኑ እንደሚገኙ ተናግረዋል።
በኢትዮጵያ የዲጂታል ፋይናንስ ሥርዓት በዝቅተኛ ደረጃ ላይ ይገኛል ያሉት ሚኒስትር ዴኤታው ዘርፉ እንዲነቃቃ የማስፈጸሚያ መመሪያና ስትራቴጂዎችን በመቅረጽ አስቻይ ሁኔታዎችን ለመፍጠር ሥራዎች መከናወናቸውን ገልጸዋል።
የብሔራዊ ባንክ የክፍያ ሥርዓት ክትትልና ልማት ዋና ኃላፊ አቶ ሰለሞን ዳምጠው የዲጂታል ክፍያዎችን ለመፈፀም የሚያስችሉ ሥርዓቶችን ለመዘርጋት መደላድሎች በመፈጠራቸው ዘርፉ መነቃቃት እያሳየ መሆኑን አብራርተዋል።
አሁን እየተሠራበት ያለው የወረቀት ገንዘብ ልውውጥ ባለበት መቀጠል እንደማይቻል ግንዛቤ እየተፈጠረ መሆኑንም ጠቁመዋል።
የኦንላይን ክፍያ ለመፈጸም ከተለያዩ ድርጅቶች ጋር ስምምነት ተደርጓል ያሉት ኃላፊው ከመረጃ መረብ ደኅንነት ጋር በተያያዘም ትልቅ አቅም መፈጠሩን ተናግረዋል።
የ ኢት ስዊች ዋና ሥራ አስፍፃሚ አቶ ይለበስ አዲስ ከአካውንት ወደ አካውንት፣ ወደ ሌሎች ባንኮች ገንዘብ ማስተላለፍና የኦንላይን ባንኪንግ ሥርዓት እየተዘረጋ መሆኑን ጠቁመዋል።
የሞኔታ ቴክኖሎጂ ሥራ አስኪያጅ አቶ የምሩ ጫንያለው በአሞሌ ክፍያ በኩል ከ2 ሚሊየን ተጠቃሚ ውስጥ ወደ 7 ነጥብ 3 ቢሊየን ብር እንደሚዘዋወር ተናግረዋል።
የስፖርት ውድድር መግቢያ ትኬት፣ የትምህርት ቤትና የመዝናኛ ክፍያ በአሞሌ በኩል እንደሚፈፀሙና በቀጣይ የኤሌክትሮኒክስ ግብይት (ኢ-ኮሜርስ) እና ኢ-ማድረስ (E- delivery) ላይ ትኩረት እንደሚደረግ ገልጸዋል።
የንግድ ባንክ የመረጃ ሥርዓት ምክትል ፕሬዝዳንት አማረ አሰፋ የዲጂታል ክፍያ ተደራሽነትን ለማስፋትና የማኅበረሰቡን ግንዛቤ ለማሳደግ እየተሠራ ስለመሆኑ አብራርተዋል።
የሞባይል ባንኪንግ አገልግሎትን እስከ ገጠር ድረስ ለማውረድና ማኅበረሰቡን ተጠቃሚ ለማድረግ እንቅስቃሴ እየተደረገ መሆኑንም አንስተዋል።
በውይይቱ ከ250 በላይ የዘርፉ ተዋናዮች እና ተሳታፊዎች እንደተካፈሉ ከኢኖቬሽንና ቴክኖሎጂ ሚኒስቴር የተገኘ መረጃ ያመላክታል።
ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
በዌብሳይት amharaweb.com
በቴሌግራም https://bit.ly/2wdQpiZ

LEAVE A REPLY

Please enter your comment!
Please enter your name here