በቀጣዩ ሀገራዊ ምርጫ የሚወዳደሩ ፓርቲዎች ለሰብዓዊ መብቶች መከበር ቁርጠኛ እንዲሆኑ ተጠየቀ፡፡

0
76
በቀጣዩ ሀገራዊ ምርጫ የሚወዳደሩ ፓርቲዎች ለሰብዓዊ መብቶች መከበር ቁርጠኛ እንዲሆኑ ተጠየቀ፡፡
ባሕር ዳር፡ የካቲት 15/2013 ዓ.ም (አብመድ) የኢትዮጵያ ሰብዓዊ መብቶች ኮሚሽን ለምርጫ 2013 ሊከበሩ እና ሊፈጸሙ የሚገባቸውን “ባለ 6 ነጥብ የሰብዓዊ መብቶች አጀንዳ” አውጥቷል፡፡
ኮሚሽኑ ለ6ኛው ሀገራዊ ምርጫ ተሳታፊ የሆኑ የተፎካካሪ ፖለቲካ ፓርቲዎች፣ የመንግሥት አካላት፣ የሲቪል ማኅበራት እና የሚዲያ ተቋማት ሊያከብሯቸው፣ ሊፈጽሟችው እና ሊያስፈጽሟቸው ይገባል ያላቸውን የሰብዓዊ መብቶች አጀንዳ ነው ይፋ ያደረገው።
አጀንዳው ተፎካካሪ ፓርቲዎች እና ባለድርሻ አካላት የሰብዓዊ መብቶች አጠባበቅን በተመለከተ የሚወስዱትን ተጨባጭ እርምጃዎች እንዲያሳወቁ፣ ለሰብዓዊ መብቶች በቁርጠኝነት እንዲቆሙ፣ ለሥርዓተ-ጾታ ምላሽ ሰጪ የሆነ የምርጫ ሂደት እንዲኖር ተገቢውን ትኩረት ሰጥተው እንዲሠሩ የሚጠይቅ ነው፡፡
ለሰብዓዊ መብት መሻሻል የሚያግዙ የሕግና ፖሊሲዎች ማሻሻያ ቃል ኪዳን እንዲገቡ፣ የመንቀሳቀስ፣ የመደራጀት፣ መረጃ የማግኘትና ሃሳብን በነጻነት የመግለጽ መብትን እንዲረጋገጡ ይጠይቃል፡፡
ከግጭት ቀስቃሽ፣ የጥላቻ ንግግር እንዲሁም ከኃይል እርምጃዎች ሙሉ በሙሉ እንዲቆጠቡ፤ ለዚህም በይፋ ቃል እንዲገቡና እና በገቡት ቃል መሰረት እንዲተገብሩ ጥሪውን አቅርቧል።
የኢሰመኮ ዋና ኮሚሽነር ዳንኤል በቀለ (ዶ.ር) ‹‹የሰብአዊ መብቶች ጉዳይ በሀገራዊ ምርጫው አጀንዳ እንዲሆን ማድረግ እጅግ አስፈላጊ ነው ብለዋል፡፡
ባለድርሻ አካላት በኮሚሽኑ የተቀመጡትን የሰብዓዊ መብት አጀንዳ ነጥቦች በትኩረት እንዲመለከቷቸው፣ ቃል እንዲገቡ በተጠየቁ ጉዳዮች ላይ የሚገቡትን ቃልኪዳን እንዲያሳውቁ እና በተቀመጠው መሰረት ሰብዓዊ መብቶችን በማክበር እንዲቀሳቀሱ ጥሪ ማቅረባቸውን ከኮሚሽኑ ይፋዊ የማኅበራዊ ትስስር ገጽ የተገኘ መረጃ ያመላክታል፡፡
ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
በፌስቡክ https://bit.ly/2UwIpCw
በዌብሳይት www.amharaweb.com
በቴሌግራም https://bit.ly/2wdQpiZ