በሶስቱ ሀገሮች ብሔራዊ ገለልተኛ የሳይንቲስቶች ቡድን ባዘጋጀው የውኃ ሙሌት መርሃ ግብር መሰረት የግድቡ ሁለተኛው ዙር የውኃ ሙሌት እንደሚካሄድ ተገለጸ።

0
91

በሶስቱ ሀገሮች ብሔራዊ ገለልተኛ የሳይንቲስቶች ቡድን ባዘጋጀው የውኃ ሙሌት መርሃ ግብር መሰረት የግድቡ ሁለተኛው ዙር
የውኃ ሙሌት እንደሚካሄድ ተገለጸ።
ባሕር ዳር፡ ግንቦት 14/2013 ዓ.ም (አሚኮ) ምክትል ጠቅላይ ሚኒስትርና የውጭ ጉዳይ ሚኒስትር ደመቀ መኮንን በኦታዋ
የኢ.ፌ.ዲ.ሪ ኤምባሲ እና ለታላቁ ህዳሴ ግድብ ጥምረት በካናዳ በጋራ ባዘጋጁት የዌብናር ስብሰባ ላይ የህዳሴ ግድብን
አስመልክተው መልዕክት አስተላልፈዋል።
አቶ ደመቀ ባስተላለፉት መልዕክት ኢትዮጵያ የዜጎቿን የኃይል ችግር ለመቅረፍና የኑሮ ደረጃ ለማሻሻል የውኃ ሀብቷን መጠቀም
ግዴታ በመሆኑ፣ የታችኞቹን የተፋሰስ ሀገሮች በማይጎዳ መልኩ እንደሚካሄድ ጠቅሰዋል።
ኢትዮጵያ ለናይል ወንዝ 86 በመቶ ድርሻ ያላት እንደመሆኗ መጠን የህዳሴ የግድብ ግንባታን በዚሁ አግባብ መጀመሯን
አስታውሰዋል፡፡
ከግድቡ ጋር ተያይዞ በግብጽና በሱዳን በኩል የሚነሱ ስጋቶችን ለመቅረፍ በሶስቱ ሀገሮች መካከል እ.ኤ.አ በ2015 በተፈረመው
የመርሆዎች መግለጫ ስምምነት መሰረት ውይይቶች መካሄዳቸውን ጠቅሰው፤ መፍትሔ ባልተደረሰባቸው ጉዳዮች ላይም
በአፍሪካ ህብረት አስተባባሪነት ተከታታይ ድርድሮች መደረጋቸውን አብራርተዋል።
ግድቡ የታችኞቹን የተፋሰሱ ሀገሮች ጉዳት እንደማያመጣ የሚታወቅ ቢሆንም በሱዳን እና በግብጽ በኩል ግን ጉዳዩን ዓለም
አቀፍ መልክ እንዲይዝ በማድረጋቸው በአፍሪካ ህብረት አስተባባሪነት የሚካሄደውን ድርድር እያደናቀፉ መሆኑን ጠቁመዋል።
ሁለቱም ሀገሮች በጋራ እና በፍትሐዊነት ከመጠቀም ይልቅ የቅኝ ገዥዎችን ስምምነት ለማጽናት ያላቸው ፍላጎት ለድርድሩ ሂደት
ተግዳሮች እንደሆኑም አስረድተዋል፡፡
አሁንም በአፍሪካ ህብረት አስተባበሪነት የሚደረገወው የሶስትዮሽ ድርድር በውኃ ሙሌት እና አስተዳደር ላይ አተኩሮ እንዲቀጥል
የኢትዮጵያ ፍላጎት እንደሆነ ገልጸዋል፡፡
ግብጽና ሱዳን ኢትዮጵያ ስምምነት ባለመፈረሟ የድርድር ሂደቱን እንዳስተጓጎለች የሚቀርበው ክስ መሠረት ቢስ መሆኑን ገልጸው፤
አጠቃላይ የውኃ ሀብት ክፍፍልን የሚመለከቱ ጉዳዮች ሁሉንም የናይል ተፋሰስ ሀገሮች የሚመለከት ጉዳይ እንደሆነ
አብራርተዋል። ሁለቱ ሀገሮች ሀገራችን የወደ ፊት ውኃ የመጠቀም መብትን የሚገድብ አስገዳጅ ውል እንድትገባ የሚያደርጉት
ግፊት ተገቢነት እንደሌለውም አስረድተዋል፡፡
በመርሆች ስምምነት መሰረት የውኃ ሙሌቱ የግንባታው አካል በመሆኑ እንዲሁም በሶስት ሀገሮች ብሔራዊ ገለልተኛ
የሳይንትስቶች ምርምር ቡድኖች በቀረበውና የውኃ አሟላል መርሃ ግብር ስምምነት መሰረት ሁለተኛ ዙር የውኃ ሙሌት በተያዘለት
ጊዜ እንደሚከናወን አረጋግጠዋል፡፡
በካናዳ የኢፌዴሪ ልዩ መልዕክተኛና ባለሙሉ ስልጣን አምባሳደር ክብርት ናሲሴ ጫላ በበኩላቸው በሚድያዎች ግድቡን
በተመለከተ የሚተላለፉ የተዛቡ መረጃዎች ለማረም፣ ወቅታዊ የግድቡ ድርድር ያለበትን ደረጃ ላይ ግልጽነት ለመፍጠር እና
ሁሉንም ወገን ተጠቃሚ የሚያደርግ ስምምነት ለመድረስ ያጋጠሙ ተግዳሮቶችን በተመለከተ መድረኩ በቂ ግንዛቤ
እንደሚፈጥር ያላቸውን እምነት ገልጸዋል።
ለተሳታፊዎቹም የግድቡን ቴክኒካዊ ጉዳይ በተመለከተ ፕሮፌሰር ይልማ ስለሽ የድርድሩን ይዘትና በየሀገሮች የሚነሱ ልዩነቶችን
በተመለከተ እና ወሪት ለምለም ፍሰሃ የውይይት መነሻ ጽሑፍ አቅርበዋል፡፡ መረጃው የውጭ ጉዳይ ሚኒስቴር ቃል አቀባይ ጽሕፈት
ቤት ነው
ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2RnNHCq
በዌብሳይት amharaweb.com
በቴሌግራም https://bit.ly/2wdQpiZ
ትዊተር https://bit.ly/37m6a4m

LEAVE A REPLY

Please enter your comment!
Please enter your name here