ርዕሰ መስተዳድሩ በደብረ ማርቆስ ከተማ የሚገኙ ፋብሪካዎችን ጎበኙ።

0
341

የአማራ ክልል ርዕሰ መስተዳድር ተመስገን ጥሩነህ እና ከፍተኛ የሥራ ኃላፊዎች በደብረ ማርቆስ ከተማ የሚገኙትን የደብሊው ኤ የዘይት ፋብሪካ እና አባትና መሐሪ የዱቄት ፋብሪካን ጎብኝተዋል።

ርዕሰ መስተዳደሩ በጉብኝታቸው በአቶ ወርቁ አይተነው እየተገነባ የሚገኘውን ደብሊው ኤ የተሰኘ የዘይት ፋብሪካ ተመልክተዋል። ለፋብሪካው የሚያስፈልገው ድጋፍ እንዲሰጠውም መክረዋል።

ለግንባታው 2 ነጥብ 2 ቢሊዮን ብር ወጭ እንደተደረገበት ተገልጿል። የዘይት ፋብሪካው ባለቤት አቶ ወርቁ አይተነው ከአራት ወይም ከአምስት ወራት በኋላ ሥራ ይጀምራል ብለዋል። የዘይት ፋብሪካው ሙሉ በሙሉ የአካባቢውን ግብዓት የሚጠቀም በመሆኑ ለአርሶ አደሮች ምርት የገበያ ትስስር ለመፍጠር ያግዛል። ለወጣቶች ከፍተኛ የሥራ ዕድል መፍጠሪያ እንደሚሆንም አቶ ወርቁ ተናግረዋል።

በቀን 450 ሺህ ሊትር የምግብ ዘይት ማምረት እንደሚችል የተናገሩት ደግሞ የፋብሪካው ሥራ አስኪያጅ አቶ እንግዳወርቅ መኮንን ናቸው። ከሰሊጥ፣ ከአኩሪ አተር፣ ከለውዝ እና ከኑግ ዘይቶችን ያመርታል ያሉት አቶ እንግዳወርቅ የሰሊጥ ዘይትን በግማሹ ወደ ውጭ ለመላክ መታቀዱንም ገልፀዋል።

የአማራ ክልል ርዕሰ መስተዳድር ተመስገን ጥሩነህ እና ከፍተኛ የሥራ ኃላፊዎች አባትና መሐሪ የዱቄት ፋብሪካንም ጎብኝተዋል።

ዘጋቢ፦ ግርማ ተጫነ ― ከደብረ ማርቆስ

LEAVE A REPLY

Please enter your comment!
Please enter your name here